未見過胡鴻鈞家姐 蔡思貝認問「大姑奶」借車
女星蔡思貝與歌手胡鴻鈞戀情「地面化」！昨日她以運動Look出席活動，提到日前被本報拍得駕駛胡鴻鈞家姐的名貴跑車出巡，她笑着解釋因自己冇車，拍外景時亦冇公司車接送，加上地點偏僻，才問對方借車，並自爆未見過「未來大姑奶」：「佢唔喺香港。（融入男友家中？）唔係，我仲未見過家姐。」
她透露近日忙拍邵氏劇《飛虎3》，因需要極大運動量，令她有挫敗感：「成套Gear好重，加上開真槍有一定嘅重量，仲要拎住做打鬥場面，好困難！（有受傷？）有日拍完條頸郁唔到，因為個頭盔太重，拍足一日唔小心整親，之前都整親條腰。」問到可有被男友胡鴻鈞照顧？她冧爆笑言有睇中醫針灸。