婚前密會靚仔 何雁詩明玩鄭俊弘

藝人何雁詩（Stephanie）與鄭俊弘（Fred）將於11月拉埋天窗，但近日卻竟「撇甩」未婚夫，在社交網上載一張身穿泳衣、與一名男子坐在泳池邊的相片。相中的她大騷玉背及美腿，解釋是與一班姊妹傾談婚禮當日如何玩新郎：「吊頸都要抖氣，最近做宣傳、籌備婚禮、加埋就嚟踏入我的18+10大壽，忙得嚟好開心。當未來老公去做Gym，我就坐喺泳池邊同姊妹團傾吓當日點樣玩到班男仔攤攤腰，諗起都興奮。」不少網友留言叫她要手下留情「錫住新郎哥」，亦有人好奇指其身旁的「姊妹」如此帥氣。