朱茵生日 老公遙距「送禮」
藝人朱茵10月25日49歲生日，但身在內地為電影《雨打芭蕉》開工的她，「被迫」與老公黃貫中及囡囡黃鶯分隔兩地。朱茵笑指老公早已遙距送禮：「24號嗰晚我收夜，放工已經踏入生日，但因網絡問題，接唔到老公電話，佢好焦急咁搵我，最後唱咗生日歌畀我聽。其實喺工作中度過生日係好兆頭，寓意全年富足圓滿。」
談到與劇組慶生，朱茵說：「成組人叫我入房，好嚴肅咁話今日嘅戲要重拍，佢哋講得好有說服力，我以為係真，呢個時候工作人員突然播片，係《雨》片嘅劇照加我喺片場嘅快樂時光，好感動呀！」提到生日願望，她許願《雨》片上映時能取得佳績。