陳煒必殺技「胸」贏廚神 黎諾懿上火失聲
入得廚房，出得錄影廠的陳煒，昨日以「星級廚神」身份錄影《疫境廚神嘉年華》。她性感上陣騷長腿，一班廚神見到她即時被分散集中力，難免成為手下敗將！
疫情有放緩趨勢，原本停辦的無綫抗疫節目《疫境廚神嘉年華》得而「翻生」，日前邀請為數約20人的「素人廚神」到電視城參與錄影，主持黎諾懿、林盛斌和戴祖儀進行拜神儀式。為免傳播病毒，一班「素人廚神」入錄影廠前要先用消毒機進行全身消毒，防疫意識極高。
開心有現場觀眾
煒哥以「星級廚神」身份參加節目，一身戰鬥格的她低胸露肩又騷長腿，出「必殺技」吸睛！她笑言穿上圍裙後就會遮掩身材，可以集中精神示範三分鐘內完成的「三杯魷魚」：「平時我煮餸係慢工出細貨，今次要三分鐘內完成，好大挑戰㗎！（一般要幾耐時間完成？）準備要20幾分鐘，煮埋最快都要8分鐘，不過我練咗三、四次，依家都OK！（有咁多現場觀眾，會提高防疫意識？）有番現場觀眾錄節目係好難得，好開心。至於防疫方面，其實大家係煮嘢先行埋，其他時間係分開坐，所以冇問題！」
戴祖儀做「開胃菜」
至於黎諾懿一度失聲，昨日服用中藥開聲後再投入拍攝，他笑說：「食咗鼎爺（李家鼎）其中一味餸就封咗喉，可能係自己對某種食材敏感，鼎爺笑我扮嘢，但我點敢？可能係最近忙，上火啫！」而戴祖儀就最有食神，她笑言：「今次好幸福，我只負責食！（唔怕肥？）怕！上鏡比較脹，但感覺有福氣，見到我開胃嘛！」
另外，黎諾懿在直播節目教整萬聖節派對小食，包括「蜘蛛蛋」及「木乃伊香腸」，賣相吸引又滿足到小朋友口味，他說：「搵啲應節食物同大家分享，阿仔終於知道咩係萬聖節。今年應該會喺屋企整嘢食，同姪仔、姪女開Party玩。」