馬浚偉生日許願:人人有工開!

昨日49歲生日的馬浚偉,連日來先後相約無綫高層樂易玲及患癌歌手李明蔚等飯敍慶生。問到生日有何慶祝活動?他說:「今年疫情關係,所以分開約朋友,已經食咗好多餐飯喇。生日就同屋企人分兩枱坐,簡簡單單食餐飯咁。(有咩生日願望?)人人平安、健康、喜樂,社會快啲回復平靜,疫情快啲過去。與此同時,更希望社會嘅裂痕快啲修補番、經濟快啲復甦。嚟緊我會花更多時間留喺香港,目標係開創多啲Project,例如電影、舞台劇等,人人有工開嘛!」他笑言自己「講到好偉大」,但因為生於香港,所以希望同心合力讓這個地方回復舊貌。