江伊晴晚晚偷𥄫租客
藝人江伊晴在社交網上載身穿大露背吊帶裙的靚相，赤腳在沙灘享受海風，狀甚享受！她受訪時說：「輯相係之前影，見天氣開始轉涼，再唔甫就冇得甫，所以唔好嘥，放上網同粉絲分享吓囉！」
最近疫情漸趨穩定，其幕前演出機會亦增多，但她揚言不會忽略其貓酒店的營運，而每晚返家最期待的時刻，並非與老公二人世界，而是「巡視」酒店業務：「就算啱啱喺貓酒店收工，臨瞓前都會用手機開酒店個監察鏡頭，酒店有18間房，逐間睇吓啲貓住客做緊乜、瞓晒未，見佢哋瞓得好冧就會好開心，可以安心瞓覺。」她自認成為「貓癡」，一日24小時睇貓也不覺得厭：「呢啲係我人生最大樂趣！」