許鞍華首做「女一」被當周星馳

導演許鞍華前晚在尖沙咀出席其紀錄片《好好拍電影》首映，講到首次做女主角，她笑說：「最唔想就係上神枱，攞咗終身成就獎，做埋女主角，大家睇完可能我就碌番落嚟，不過套戲幾搞笑，導演處理得好好，當我係周星馳咁拍！」又自嘲在片中口不擇言得罪人。提及早前奪得威尼斯電影節金獅終身成就獎，她透露返港後未有慶祝：「因為禁聚令，4個人都冇乜好慶祝！」
許鞍華
許鞍華

同場的林家棟自爆有多個劇本債，加上要做電影後期，故未落實是否到台灣出席金馬獎，競逐首次提名的金馬影帝。