華姐出身的余思霆在台灣長大，成功憑台妹的嬌嗲語調俘虜一眾宅男，男友朱敏瀚亦被她冧暈！近日她拍片教台語，鏡頭前一臉認真，但聲線非常可愛：「讚人嘅說話呢，『可愛』就係『哥豬伊』、『你好可愛』就係『Lee椎哥豬伊』，『你好靚女』就讀成『Lee椎衰伊』，如果下次喺街見到我，不妨用台語讚吓我啦！」她指在港較少講台語，但返到家鄉自然會「Tune番」去講，而男友亦漸漸聽懂。
