戴祖儀花心冇拖拍

歌手戴祖儀昨日出席本地畫家的畫展，她指自己畫功只是「BB班」水平，又自嘲興趣多但「周身刀冇張利」：「我太多嘢鍾意玩，鍾意藝術、唱歌、主持。（係個花心嘅人？）係呀。」問到揀男友可會如此花心？她笑言現時工作忙碌，沒有空談戀愛：「我想花心都冇啦，要有對象先得，我依家真係冇拍拖！」問到男仔識藝術可會加分？她說：「又未必，因為玩藝術嘅男仔一定好受歡迎。」有傳羅天宇追她，她笑言：「過咗去、冇發生就唔好提，我哋冇發展過。」