由影帝劉青雲與內地女星倪妮主演電影《拆彈專家2》，有不少爆破及動作場面，青雲坦言最難忘其中一場「拯救」戲，因要坐在貨Van中，然後被吊臂吊上8層樓高，相當驚險！他說：「雖然導演有話會吊高，但冇講吊幾高，拍攝嘅時候數1、2、3就吊咗上去，我仲諗住慢慢試，點知一Take完成。」
青雲過往於電影亦曾演拆彈專家，不過今次於新片有不同體會：「好多年前我演嘅拆彈專家，係帶有喜劇效果，今次係實牙實齒嘅拆彈專家，有好複雜嘅行動同大型嘅爆炸。」