舊愛傳嫁人 陳豪送定祝福

藝人陳豪、唐詩詠及森美昨午出席鐘錶展，本身有3個小朋友的陳豪指時間寶貴：「真係唔夠時間用！（晚晚唔夠瞓？）OK嘅，只係有時要起身幫（小朋友）冚被，又或者畀人叫醒陪去屙夜尿。」又透露以往有收藏手錶：「依家小朋友嘅學費都有排搞，再買錶都係買畀佢哋，要有GPS，走失咗都搵得番。」談到舊愛廖碧兒有傳明年3月出嫁，陳豪大方回應：「傳啫！證實咗先啦！但無論如何我都會送上祝福。」