美國天后Cardi B上月入紙申請與歌手老公Offset離婚，但近日卻出雙入對，男方日前更為Cardi搞生日派對，期間被拍得在場內咀嘴，懷疑兩人已復合。直到前日，Cardi開Live宣布與老公正式復合，自爆只為「搞嘢」：「我只係開始掛住佢……真係好難冇得搞嘢，而我真係好想喺生日時搞吓！冇人支配我做嘢，如果我厭咗佢下體，我會離開。」隨後又承認崇尚物質，Offset除了出錢在戶外賣大型廣告祝她生日快樂外，還花六位數美元買名車給她作生日大禮，Cardi說：「啲人一直話我因為係物質主義者至同佢復合，我認我鍾意物質嘢，你想我點？個黑X畀咗架勞斯萊斯我，唔通我唔睬佢咩！」