李靖筠被劇本感動 喊到乾塘

李靖筠片中到韓國追夢，引發奇幻事件。

演員李靖筠、何珮瑜（Jeana）及楊天宇等昨日在觀塘為新片《電子靈》開工，該片是英皇電影與天下一電影合作拍攝的10部戲之一，英皇集團主席楊受成親臨現場打氣。

楊天宇為「女友」辛苦

李靖筠飾演到韓國發展KOL事業的青年，回港後發現與家人及朋友關係出問題，喊戲連場，可謂演技大考驗！她說：「呢套係奇幻電影，又喊又驚！」與她飾演一對的楊天宇說：「尋日睇見佢拍喊戲都辛苦，喊足12個鐘。」李靖筠笑言「冇咁誇張」，並大讚劇本：「劇本好感動，令我聯想到親情。呢套係拍攝以嚟最多喊戲，喊到眼痛、眼乾，想再唧啲眼淚出嚟都唧唔到。」而飾演其「隱青」細佬的顧定軒則讚她演技好，話喊就喊。

楊受成親臨探班，為一眾演員打氣。	Jeana最近經常通宵睇片，搞到頭暈眼花！	張達倫亦有參演，越級與前輩龔慈恩「鬥戲」。

至於Jeana挑戰韓國女團角色，她笑說：「好彩之前同朋友跳吓舞玩吓，跳舞都有BB班基礎。」自稱「宅女」的她透露最沉迷上網睇片，會睇到通宵達旦，頭暈眼花。問到可喜歡玩直播？她說：「直播就未試過，因為又要燈、又要咪，仲要諗題材，對我嚟講有啲複雜，電腦我唔叻，淨係識用手機。」

另外，龔慈恩昨日因事未能出席，但早前偕張達倫等開工，大家非常合拍，拍攝順利。