黎耀祥被屈爆料 遭歐陽震華單打?
「視帝」黎耀祥和阮兆祥主持的節目《雙祥見》，今集談到曾被出賣的經驗。黎耀祥透露一次拍攝古裝劇期間，一位男演員在製作上諸多要求，令各演員需重新適應，誰知此消息在拍攝中期外傳，更有報紙出新聞。
他說：「報紙大字標題寫某某某某很麻煩。（某某某某四個字，他是複姓嗎？歐陽震華嗎？）你當係，但唔係佢，總之係某某好麻煩，報章出咗報道，篇幅好大，當時好多人話係我講，我梗係知道唔係自己講出去，我又唔知道係邊個講，當時搞到好大件事，連被人講嗰位演員都以為係我講。（點解知道佢覺得係你做？）因為佢言語中單打。」他百思不得其解，為何會誤會他，於是到處打聽下終於發現是另一位演員所為。黎耀祥在分享的過程中，被阮兆祥逼供，一度令他大叫：「你一定要問咁多咩？」場面搞笑。