陳敏之再拍劇 要睇阿仔頭
藝人黎諾懿與陳敏之昨日在將軍澳電視城為主持的無綫節目《今晚請客》舉行記者會，並邀得陳煒與張曦雯任嘉賓。諾懿事前貼錢買海鮮在家練習處理海鮮的方法，敏之則負責做親子伴碟。
早前敏之在社交網上載圖片，被指有政治含意而慘遭內地網民狙擊，導致有傳被飛出邵氏劇集《飛虎3之壯志英雄》，由陳煒頂替。
「翻生」轉戰綜藝節目的敏之說：「之前請咗假，唔拍劇係因為疫情，開工戴唔到口罩擔心傳染屋企人。依家疫情好咗好多，節目又唔使通宵，可以多啲時間陪個仔。」她表示做媽咪難免要犧牲，家庭工作取得平衡，拍劇要待兒子長大一點，對於捲入政治風波則不再回應。