JW歌視雙飛 爭一姐未驚過！
歌手JW「嫁」入星夢大家庭，坦言曾憂慮公司有吳若希、菊梓喬、連詩雅等歌手，人多自然是非多，但適應後反而無懼捲入爭「一姐」的漩渦；而菊梓喬亦不欲坐以待斃，跟JW一樣開到口恨拍古裝劇，似乎唱片公司即將加演「宮鬥」好戲。
JW（王灝兒）早前強勢加盟星夢，日前她接受專訪時，直言決定一刻有不捨及顧慮︰「同前公司、仲有同事合作得好好，但佢哋知我想趁踏入30歲挑戰自己。」提到現時公司女歌手佔多，問可會是非多？她不諱言擔心過︰「好在星夢所有人都好Nice，適應期縮短咗好多，啲關係冇人哋講到咁恐怖。（怕分薄資源？）個平台咁大，個個都有機會。」至於可擔心牽連到「一姐」戰局？她笑說：「冇有怕，因為自細都同家姐比較，預備咗要承受壓力，可以話免疫晒！」
她坦承有留意歌迷對其轉會意見不一，不過承諾必有「Good Music」，不會只唱劇集歌，預告將推出合唱歌。恨拍劇的她早前被爆圓「女一」夢，她表示一切等公司安排，又謙稱：「應該未去到『女一』，如果真係就梗係開心！」
菊梓喬換新Look
至於JW師姐菊梓喬（Hana）日前以新剪的齊蔭髮型拍攝內地劇《錦繡南歌》主題曲《說過放下》MV，給歌迷新鮮感。與JW一樣恨拍古裝劇的她說：「試過喺一個節目作古裝打扮，好多人都話我好適合，話我個樣好古典，同埋好文靜，唔知幾時會有導演搵我試吓拍古裝？」另外，提到《說》歌講灑脫分手，鮮有談感情事的她自爆屬「掟煲唔掟蓋」之人：「每次面對分手都好唔捨得，會糾結喺嗰段逝去嘅感情。」