余香凝晒未婚夫真身 「餘生和你手牽手」

余香凝大方晒婚照，獲圈外人未婚夫錫錫勁Sweet！

余香凝（Jennifer）昨日在社交網大方宣布婚訊，甫出與未婚夫的唯美婚照，見她笑容燦爛，身形纖瘦仍未見肚。未婚夫並非早前傳緋聞的金融才俊Victor，但她為保持低調，相片中的圈外人未婚夫只見側面，未能看清容貌，她留言：「感激上天讓我們遇上，即使未來充滿着未知，只知道餘生都會和你手牽手一起過每一天，一起創造屬於我們的天地！多謝咁多朋友傳媒祝福，全部都收到了！始終另一半同埋屋企人都係圈外人，所以希望大家留番啲空間畀我同我嘅家人！」舊愛陳家樂大方回應：「祝福余小姐幸福快樂。」而妹妹余潔滢亦替家姐高興：「我都好開心，祝佢幸福快樂！」問到覺得姐夫如何？她說：「其他嘢唔回覆喇！尊重番家姐同另一半想低調處理呢件事！」

陳詩欣滿意新郎畀100分

Jennifer一班好姊妹嚴守結婚秘密，現時終於可以暢所欲言，廖子妤戥好友覓到真愛感開心：「能夠在茫茫人海中搵到決定廝守一生嘅人係非常有福氣嘅事，我真係非常非常替佢感到開心同感動！結婚只係人生其中一站，希望佢之後每一站都能平安順心。」陳詩欣則說：「我都要加把勁，因為我哋三朵金花，有兩朵花都嫁咗。（結婚做姊妹團？）會！如果佢有任何需要我，一定會幫手，佢老公真係好錫佢，姊妹們好滿意，畀佢100分。」

廖子妤（左）對好姊妹出嫁感開心，但問到是否奉子成婚即封嘴。

陳詩欣透露會做姊妹團。