驚險25小時 吳雲甫囡囡出世喇！

39歲藝人吳雲甫（Owen）榮升爸爸，昨日於社交網報喜指囡囡已出世！他透露有陪產，太太還要食全餐：「生產前一日，我哋仲去咗海洋公園玩！點知凌晨三點，老婆突然穿羊水，即刻送佢入醫院，結果搞咗差唔多25個鐘先等到BB出嚟！本身係打算順產，但老婆一直開唔到子宮頸，要打催生針同按摩，做咗好多嘢都搞唔掂，由於穿咗羊水唔可以超過18個鐘，驚BB受感染，所以最後決定開刀。呢25個鐘大家都好辛苦，又緊張又擔心，我一直陪住太太分娩，直至聽到BB喊聲，我真係好感動，攬住太太。」又笑言望實囡囡已經足夠：「是日東主有喜，休息一天。今日乜都唔做，淨係望住呢粒小朋友。」