黎瑞恩鬧冒牌貨死蠢：再犯就報警！
藝人黎瑞恩（小恩子）昨日在社交平台爆Seed公審一名男子，斥被對方盜用肖像，更以其英名文「Vivian Lai」在網上開假帳號四處「辣火頭」鬧人，吳業坤率先「中槍」被指是「低級歌手」，激到小恩子大罵冒牌貨「死蠢」，若再犯必報警追究。
活躍於社交網的小恩子近日「禍不單行」，繼早前「生蛇生上眼」被網民落井下石後，昨日凌晨自爆被人盜用其肖像！她還公開嫌疑人帳戶及照片，譴責對方開了一個跟其社交網用戶名稱相似的假帳戶，更揭發他在音樂人伍仲衡的直播中，惡意留言攻擊吳業坤為「低級歌手」。
小恩子大數對方惡行，鬧爆盜用者於多個社交平台群組「唯恐天下不亂」，行為非常可恥又無聊，更講明公司會嚴肅處理：「盜用人哋嘅照片做埋呢啲不法事，係觸犯刑事法例㗎！」最後不忘寄語對方空閒時多做善事，幫助貧苦大眾。
感激網民幫手「起底」
記者昨日向小恩子進一步了解，她透露前日睇戲時收到同事緊急要求更改社交帳戶密碼：「起初以為有人Hack入咗我個帳戶，但原來只係拎咗啲相嚟開另一個Account，而最搞笑嘅係佢用我個頭像、名嚟周圍鬧人。」提到「嚴肅處理」是否指報警？她說：「暫時冇報警，如果佢再犯就會報警。」
講到對方留言攻擊吳業坤，小恩子笑說：「點會用自己張相去鬧人？正常人都唔會咁做啦！真係蠢到冇人有。（有網民誤會咗係你留言！）咁都冇辦法，喺網上睇到嘢都要諗吓真定假。」問到私下跟吳業坤是否相熟？她透露兩人認識但不算熟，見面時會打招呼。
至於有否對事件感震驚？小恩子淡定表示「冇乜嘢」，因經常聽到有人被盜用帳戶，又非常感謝「起底組」網民：「佢哋好尋求真相，搵到嗰個人個帳戶好勁！」還自認為人正面，即使在社交平台被「開火」也不會嬲：「問心無愧，又冇做虧心事，見到都係得啖笑。」而伍仲衡亦在社交網站出Post強烈譴責盜用者行為損人不利己，「受害人」吳業坤則至截稿前未有回應。