聞前女友即落閘 陳家樂預演婚禮

而昨日拍攝廣告期間，家樂獲送上足球蛋糕及鮮花慶祝，他感慨表示：「因為疫情關係，今年所有嘢幾乎停頓，到8月先開始多番啲工作。呢個廣告酬勞相當可觀，過幾日亦會推出英皇珠寶廣告，廣告內我同湯怡着婚嫁服，幫佢預演婚禮呀！」記者打趣問他已有女友連詩雅，為何不說幫自己預演婚禮？他笑說：「我冇承認自己拍拖，好朋友啫！當然我都想（結婚），但要搵到啱先，同埋唔會係短期內嘅事，做嘢先啦。」

記者再追問他昨晨開工，是否因為晚上佳人有約？他說：「拍廣告嘅嘢話唔埋，希望可以約到朋友食飯啦！（二人世界唔驚禁聚令喎！）最有我心係衛詩雅，早幾日已經約我。（收到乜嘢特別禮物？）收到親手造嘅足球蛋糕。（好朋友送？）我唔會答你係定唔係！」