梁茵睇樓盤爭取一家團聚

梁茵在劇中飾演拜金女，但現實則非常節儉。

肩負家庭重擔

離開時她在地產舖前停下，與地產經紀聊得滔滔不絕，又頻頻用手機拍照紀錄，集中打聽三房單位，未知是否有意趁樓價下跌入市。據悉她自小跟家人住新界屋邨，早前為了方便工作，與同事合租將軍澳一單位。

隨後她坐巴士返歸，全方位慳得一蚊得一蚊。其實「慳妹」背後有不為人知的心酸，其母親近年身兼家務助理及按摩師捱出病，將登「六」的父親仍從事地盤工作，由朝做到晚，就讀高中的弟弟則明年升上大學。身為長女的她眼見父母辛勞工作，於是肩負起弟弟的學費，雖然她一半收入都上繳父母，但仍決心為兩老爭取更好的居住環境，安享晚年。

未儲夠錢買樓

她接受訪問時坦言未儲夠銀彈買樓，但希望能盡早「一家團聚」：「我成日要開工冇辦法見屋企人，但我哋日日都傾電話，搬出嚟住之後好掛住家庭溫暖。嗰日我經過就留意吓樓價，我都好想做業主，希望可以同屋企人一齊住，不過講真收入都未穩定，只能夠將買樓當做目標，繼續努力工作。」

梁茵與地產經紀聊得興起。

梁茵在餐廳門口等待外賣優惠時段，認真慳家。