晚晚八點陪住大家食飯嘅處境劇，每位角色都相當入屋，當中「學霸」一角都算係重要角色。雖然唔係集集出現，不過近期佢喺劇入面嘅「忘年戀」受網友熱議，相當成功！
劇入面嘅「學霸」平時斯斯文文，但點知有次搭的士時，戴住太陽眼鏡，黑口黑面扮巨星。上車時已經冇咩禮貌，指自己趕時間，要求司機開快啲。去到目的地又遲遲唔肯落車，話要等人過嚟，原來只係等朋友接落車兼幫佢拎個袋，足足等咗成十分鐘，但一句唔該都冇同司機講，好似理所當然咁。相反「學霸」朋友對司機唔該前唔該後，形成強烈對比！
