歌手泳兒前晚舉行網上直播音樂會，師妹Elly（艾妮）擔任嘉賓。泳兒很高興疫情下能有live show，笑言當紅館咁做。她又透露下周將參與疫情下首次有觀眾的演唱會：「當然唔希望取消啦，但聽聞就算唔可以有現場觀眾，都會照做live。」她坦言疫情對自己很大打擊：「工作少咗好多，又唔可以出埠。但有危就有機，好似今日都做到高水準嘅演出。（你個危係咩？）宅得太多，同埋愈嚟愈瘦，哈哈。」而艾妮就笑言自己反而肥了，因為少做運動。
