布睎尤收斂野性做13小時功德
近年流行吃素，模特兒布睎尤（Raico）也是半素食者。雖然她外表野性，其實是虔誠佛教徒。早前她投資6位數開素食店，日做13小時當做功德。
使10萬為做DJ
Raico是中葡混血兒，憑32D的性感身材成為內衣界的寵兒。由於喜歡打碟和打拳，形象狂野，她亦自認：「我都野性，比較男仔頭，女仔唔敢做嘅嘢我都會做，好似有打泰拳同MMC，MMC甚至打到攞過獎。2016年好興搵啲女仔去夜店打碟做DJ，一開始去係為咗賺錢，不過接觸後，發覺必須要有相關知識，前後買咗3套裝置返屋企練，用咗成10萬，不過已經賺得番。我覺得你有冇實力，觀眾係聽得出。」
合資6位數
近年她篤信佛教，令她有很大轉變。她早前與友人合資，花了6位數在上環開素食店做老闆。她曾經營火鍋店，現在轉開素食店，她解釋是不想殺生：「我最想推廣素食，自己都係半素食者，農曆5月同7月會食素。做老闆投資都係打份工，因為我哋冇錢請員工，老闆都要落場幫手。我啲朋友話如果你唔妥一個人，最好叫佢開餐廳，因為真係好辛苦，我一日做足12、13個鐘。」她直言不為賺錢，更豪言：「可能只係放咗6位數字落去，輸贏都冇乜所謂，如果放太多錢就會計較得失，依家覺得少少錢當做功德，心態係咁！」