亞姐爆退選潮 佳麗高文君自誇添勝算
《2020亞洲小姐競選》香港區賽事昨日於亞視大埔總台大堂公布入圍14強佳麗名單，現場沒甚布置，連一塊布景板亦欠奉，眾佳麗齊以露腰背心配牛仔褲登場。講到本報揭亞姐「跳船」潮，被封為討論區女神的佳麗高文君坦言增加奪冠勝算，蔡小蝶卻自爆曾諗過退出︰「起初覺得訓練時間安排得唔好，就直接向亞視反映，之後有調整。」練樂儀則戥最後一位退選佳麗唔抵︰「入圍獎金原先有15個名額，但佢選擇放棄。」
亞洲電視執行董事陳偉傑深信不會再有佳麗退選，講到現場布置不似「搞活動」，是否與屢傳財赤有關？他解釋是想讓大家一睹亞視翻新後的情況︰「如果真係財赤，唔會拎到1,500萬出嚟裝修。（夠錢派每人1萬蚊入圍獎金？）嗰度好少錢。（少咗個佳麗，慳番1萬？）嗰1萬我哋諗住做善事捐咗佢。」