汪明荃睇得透 千嬅學到嘢
歌手楊千嬅自資開設的網上頻道邀得超級偶像汪明荃做嘉賓，今集主題圍繞生活壓力，千嬅平時會以煮美食來減壓，汪明荃則以不停學習來減壓。汪明荃坦言入行58年，一直承受不少壓力，故要時刻保持作戰狀態：「要對自己有信心，有時做呢樣嘢係我想你哋去睇，而唔係你要我去做，有好多人好過自己，但係要做一個可以代表自己嘅嘢，所以呢個就係叫Liza姐或者汪明荃。」
千嬅大讚汪明荃一開口已講中其心事，對方的人生經驗可以多角度看透每件事，汪明荃說：「我身為長輩，有啲人希望我可以畀到意見，不過我都係個普通人，只可以分享自己經歷，我嘅意見未必人人啱用，但記得唔好咁驚，最緊要鎮定！」