與馬國明齊齊儲錢 湯洛雯：忙完先討論結婚
岑杏賢的好友湯洛雯早前亦被指與男友馬國明結伴睇樓，疑似打算結婚，而馬國明接受訪問時亦表示會儲老婆本買樓。對此，湯洛雯回應本報時亦謂：「我同馬國明嗰次行街已係四個月前嘅事，我哋都唔記得行過地產，所以話我哋鍾情淺水灣豪宅係冇咁嘅事。咁我哋拍拖當然唔會玩玩吓，大前提都係會結婚，但未深入討論呢件事，因為大家都好忙，忙完先討論啦！」
湯洛雯直言現在二人的目標是儲錢，希望屋企人有更好的生活，她說：「搏殺吓搵多啲錢先，而且我哋都係拍咗拖冇幾耐，希望可以了解多啲先決定下一步。大家唔使擔心，我哋處於一個好穩定、健康、開心嘅狀態，好多謝大家關心。」