姚子羚苦練泰拳「豆腐肉」瘀晒
姚子羚、朱敏瀚及黎耀祥都拍過不少動作戲，不過要於即將開拍的新劇中做拳手也非易事，故需勤加操練。操到周身瘀、自嘲「豆腐肉」的子羚坦言甚有難度，既要夠氣力，又要有節奏，而朱敏瀚坦言將要與張振朗上擂台一戰。
無綫新劇《拳王》將於10月中開拍，由於疫情關係，劇組日前秘密進行造型活動，據知多位要角飾演拳手，打到飛起，當中包括黎耀祥、姚子羚、張振朗、黃子恆等。眾人之前拍過不少打戲，經驗豐富，可是說到泰拳，卻非單靠身手靈活便能勝任，不少人都是首次接觸這項運動，故趁有時間，都找師傅上堂練習，惡補一番。
配合造型剪短髮
子羚與黃子恆現時忙拍攝邵氏劇集《飛虎之壯志英雄》，亦不時抽空練拳，子羚日前到拳館跟冼林沃師傅學拳，還練到腳背瘀了一大片，相當誇張，她受訪時說：「其實練拳時冇瘀，係練完之後我要試沙包，點知揀咗個勁硬嘅，係咁意踢一踢就即刻腫咗，師傅幫我推散佢，所以變成瘀咗一大撻，依家仲瘀緊，我不嬲都係豆腐肉嚟！」
子羚坦言打拳其實頗有難度，要有足夠的體力，故她要做回「跑友」練氣，她說：「泰拳好多唔同走位，講求節奏，打一陣已經好Chur！」此外，她又透露為配合角色，要剪短頭髮，由於現時拍攝另一套劇要連戲，故試造型當日只好戴上假髮示人。
朱敏瀚張振朗打擂台
另外，之前於劇集《反黑路人甲》中做打手的朱敏瀚今次再打餐飽，他說：「我有練過幾次拳，今次比上次打得仲多，主要係同振朗打，有一場要同佢打擂台，我哋喺未開劇時已經搵健身同打拳教練操練，所以好期待。」而子恆坦言未有時間操練，他說：「今次係做拳手，理論上比《機場特警》操得仲甘，之前有時間我都有去運動場跑步練氣同練拳。」