莫家淦角色對調 做「鐵面陳」上司

無綫處境劇《愛．回家之開心速遞》中的保安員「鐵面陳」王致狄與「王朝」莫家淦合作無間，早前二人有幸跳出劇集，拍住上客串新劇《異搜店》，由保安員搖身一變做刑警。莫家淦笑言今次「過檔」即時升職，成為王致狄的上司，非常興奮：「我跟咗『鐵面陳』好多年，由二百幾集跟到依家，一直係佢手下，被佢呼呼喝喝，所以今次難得喺另一套劇再合作，我哋就傾好咗我要高級過佢，做佢師兄，希望出嚟效果會有新火花。」而王致狄表示與對方合作多年，一埋位已經默契十足。