譚嘉儀遮胸 粉絲嗌「放開手」
歌手譚嘉儀又上船出海玩，穿上性感粉紅色泳衣晒豐滿上圍，好友林穎彤、林欣彤都不禁「嘩」一聲，好多網友都讚她索，覺得她身材Fit，有粉絲搞笑叫她：「唔使怕醜，放開手Open一次畀粉絲睇。」
雖然不少藝人於疫情期間宅在家中放肆地食，更嚷着要減肥，但嘉儀的泳衣有點鬆，似乎清減了！她說：「我都盡量有做運動，食得多時又會做得多啲，都驚食得多變肥，所以喺屋企睇片跟住做30分鐘帶氧運動，再做手操同Sit Up。」熱愛水上活動的她表示曾經學過游水，但始終失敗：「冇辦法，喺游水方面真係冇乜天份，所以選擇咗放棄，依家我識浮、識踩水，足夠我玩水上活動就得啦！」