JW首次着古裝王后上身
歌手JW（王灝兒）日前再次參與遊戲節目《娛樂大家》錄影，更獻出「第一次」，當日她影了海量的相及短片上載至社交平台：「係我首次着古裝！真係好開心！一路都好想着、甚至好想拍古裝，所以今次玩遊戲有得着，仲要係連埋對鞋一套，真係好正！」
JW自爆本來被分配一套淺粉紅色的古裝，惟擔心淺色容易凸顯身形，才膽粗粗問有否其他顏色，最後竟然有驚喜：「畀咗套王后嘅衫我！聽講成套衫價值不菲，可以見到啲花嘅刺繡做得好Detail，一着上身就好有感覺，唔係好捨得除，哈哈！」另外，講到剛加入星夢大家庭，她預告正等候入錄音室，希望可以獻唱洗腦劇集歌。