祖兒榮膺傑青 喊住感激恩師羅文
英皇歌手容祖兒獲頒「十大傑出青年」，激動地感謝一直支持她的家人和老闆楊受成，說到離世的恩師羅文未能見證她獲獎，她即感觸落淚。
因疫情關係，容祖兒透過視像通話分享得獎感受，經理人霍汶希則陪伴她拍片，並送上鮮花祝賀。祖兒坦言是音樂賦予她的生命更多意義，最想將獎項與歌迷分享：「因為佢哋陪伴我共同成長，經歷高低起跌，仲有所有支持我嘅人，包括屋企人、公司老闆楊受成、同事同朋友，佢哋一直對我不離不棄，能夠得到音樂以外咁有分量嘅獎，係好大鼓舞，亦都代表一個新嘅里程碑、新嘅動力。」又指跟很多香港人一樣，原是屋邨長大的普通人，但幸運地找到興趣，為追夢而努力。
秉承推動廣東歌精神
祖兒表示在申請過程中，同時讓自己回望過去，覺得仍有很多不足，但會繼續抱着使命感，堅守初心、堅持夢想，繼續透過歌聲傳播正能量。談及現時第一件最想做的事，她希望秉承恩師羅文的精神推動廣東歌，幫助有心唱廣東歌的歌手：「想同多啲新音樂人、歌手合作，五年前成立慈善基金，希望幫助更多有需要小朋友，提供學習機會，因為學習同幸福唔係必然嘅。」提起恩師，祖兒開始愈說愈激動：「我好希望……好希望……好希望今日可以畀佢（羅文）見到我有呢一日！因為一開始，佢真係好信任我，覺得我有呢個能力，所以我好開心！佢亦都曾經攞過此榮譽，我今日可以傳承佢嘅精神，我一定會繼續努力。」
過去幾個月的疫境，祖兒坦言自3月起，所有巡迴演出全部停頓，幾個月宅在家中幾乎零工作，直至近日疫情稍稍緩和，終於開始錄音及有演出機會，她笑說：「同個舞台好耐冇見，所以真係知道自己好鍾意唱歌。」會更加珍惜每一次演出機會。