藝人范振鋒日前接受香港開電視訪問，講到離開效力多年的無綫，他說：「我喺8月底離開，舊公司有同我傾續約，但話暫時冇新工作，所以都係決定離開。冇唔開心，因為唔係全職做一份工，唔擔心疫情下影響生計。」但他承認近月收入減少：「疫情開始至今少咗7位數字收入，好彩我同老婆係好慳嘅人。」至於疫情可有影響「造人」﹖他笑說：「以前順其自然，依家就冇咁自然！除咗擔心疫情，個世界好似好恐怖同混亂。疫情原來可以令人冇工開、零收入，我同太太都卻步。」
