歌手吳業坤日前為無綫慈善節目擔任嘉賓，他透露近日報考日本語文能力試第一級，將於12月6日考試，自爆曾填錯資料，幸好有關方面讓他免費更改一次，毋須罰錢。問到現時準備如何？他說：「好在平時訓練有素，但因為冇得去日本實戰，惟有死背文法同生字。（搵日本朋友同你練？）日本人唔鍾意用語音，反而鍾意打字，所以練唔到聽力。其實呢級好難，日本人都唔用，好似文言文咁，但唔考到最高就似未完成件事咁。（想同有呢個語文能力試資格嘅李嘉欣睇齊？）唔敢講，但希望可以做一個日文比較叻嘅藝人。」
