鄭伊娜誕女 被老公搞喊
藝人鄭伊娜（Ena）與潘敬祖2018年結婚，前日趁着中秋節在社交網報喜，指囡囡「豆豆B」已經出世，她留言：「潘氏一家三口，一齊過嘅第一個中秋！小公主豆豆B今日4天大啦！」
Ena昨日接受本報電話訪問指「豆豆B」在上月28日出世，雖是剖腹生產，仍經歷痛楚階段，她說：「我喺開刀前兩個鐘開始陣痛，甚至見紅，都算係食咗半個全餐，感受吓順產嘅陣痛感覺。」她又謂生產過程中感到恐懼，幸好老公陪伴在側，老公還跟她說：「由今日起我哋將會開始另一個新旅程，我哋會係一家三口。」聽完之後二人也感動落淚。