關嘉敏被睇死做花瓶硬頸不服輸

女子組合Bingo成員關嘉敏(Carman)於娛圈拚搏約5年,近日知名度急升,她直言當初雖遇上事業低潮,但硬頸性格令她繼續衝,望早日於演員路闖出名堂。

Carman近期忙於參加ViuTV節目《全民造星III》,不久前獲邀拍攝MV,性感演出扮演女鬼兼上演被姦戲碼,「一脫成名」人氣飆升。身形高挑的她被指有機會接前輩王小鳳棒,成為「新一代鬼后」,她直言不介意「重口味」,更自爆:「之前我都喺主題樂園萬聖節以演員身份扮鬼,但係靚嗰隻,一啲都唔恐怖,今次好有新鮮感。」

其實由組成Bingo至今,Carman坦言即使經歷低谷,其硬頸性格促使她堅持走下去:「最出名一定唔係我哋啲歌,而係每年都換隊友,接受記者訪問又要再介紹新人畀大家識,而每次有人走,我都係做慰問同協調嗰個,無限輪迴!」今次參加《全》節目,Carman表示監製花姐直言她之所以能夠參加,全因「花瓶」形象:「所以無論如何,我都要話畀人聽自己係有實力嘅。我平時都有學功夫、唱跳去增值,希望他朝可以好似楊紫瓊咁有魅力。」而在80多位對手中,她自覺勝在有壓台感。

畀「男士」纏身

談到憑「靈界演出」吸人氣,Carman竟自爆被靈體纏身:「之前錄影《靈探實錄》時,身上所有辟邪物品都要放低,後嚟發現自己愈嚟愈冇精神,有人話我成面黑氣,朋友睇到我身邊有位『男士』,佢身後仲跟住一班人,即刻叫我去拜神求心安,屋企人都叫我要去跨火盆。咁我又唔算好驚,不過拜完神,唔知係咪心理作用,即刻覺得精神爽利。」