湯沛宜出寫真忍口圓夢

34F巨胸藝人湯沛宜(Toto)身材出眾,年前曾推出群體寫真,她一直希望擁有一本個人寫真集,近日機會來了,得以在10月29+1歲之前圓夢。

她透露視馬來西亞鋼琴女神李元玲為偶像,希望朝着對方的性感路線發展,她說:「我知道李元玲用咗7年時間練到副好身材,我都用咗兩年幾㗎!但覺得自己肌肉唔夠要操多啲,始終飲食唔夠節制,有時忍唔住食西多士,所以嚟緊一個月,我只會食雞胸肉,依家一日食四餐,以少油少甜為主,希望腰圍由24吋變23吋。」