有「玄」做拍檔 伍詠薇狂窒李丞責
藝人伍詠薇與堪輿學家李丞責昨日到將軍澳電視城，為擔任主持的myTV SUPER節目《有玄就有機》舉行記者會。伍詠薇自言玄學知識不足，希望借機私下請教師傅：「但係佢話問呢啲要收錢！」李丞責則笑說：「喺節目雖然我係師傅，但係經常畀伍姑娘窒到一戙都冇，但同佢合作之後都學識幽默。」問到老婆劉倩婷（Sandy）可有讚他做節目後變得風趣，伍詠薇則踢爆他在節目中會談及老婆，李丞責即說：「Sandy係放喺心中，唔係嘴邊。」
另外，李丞責批算疫情，透露12月10日將有日全蝕，對美國及南美洲影響較大，香港與內地則稍為平和，但疫情起碼到明年6月才見曙光。