馬國明向高Ling示愛搞喊正印湯洛雯

馬國明指女友只是開玩笑，未有影響感情。

「視帝」馬國明、高海寧與黎諾懿等昨日現身將軍澳電視城，為劇集《C9特工》慶中秋宣傳。馬國明與女友湯洛雯（靚湯）愛得甜蜜，但他近日趁劇集出街，發文讚劇中老婆「Cute媽」高海寧造勢：「C9特工……高大勁真係好愛Cute媽o架！」還附上三個心心，豈料此舉惹來正印女友湯洛雯打翻醋埕，留言貼上喊樣表情符號，馬國明急解釋：「高大勁咋……」受訪時被問到靚湯是否呷醋？他笑說：「唔係，講吓笑啫！我都話係高大勁愛Cute媽。（使唔使講番好愛湯洛雯？）呢啲唔話畀你聽。」

預告中秋冇得團圓

馬國明又指中秋節與女友各有各忙，未能「人月兩團圓」：「阿湯要拍電影，我就要趕拍《兒科醫生》，買咗月餅送畀Uncle、Auntie。」對於劇中喊戲獲網友讚視帝級演技，他謙虛說：「唔係！都係跟劇本做，劇本寫得好、有層次。」

湯洛雯	高海寧為角色增磅，現已回復苗條。

高海寧劇中師奶角色驚見「豪華臀」，原來為角色特別增肥10磅，她笑說：「辛苦咗威吔組嘅同事，拍動作戲都有啲遲鈍，好有挫敗感！動作戲好少一Take完成，要拍5至10個Take。（畀動作戲嚇親？）開頭有，撻親個頭之後就變成萬千寵愛咁。」又透露中秋沒有男士約會，但不會覺得寂寞，因近期學拍片。而黎諾懿指兒子今日終於開學，希望用一星期適應，打算買玩具氹囝囝。