傅穎Deep V膊殺格
藝人傅穎（Theresa）及蔡思貝日前為「太陽金業」拍攝平面硬照廣告，相片在紅磡隧道的香港和九龍出入口、港鐵站、巴士車身等示人。廣告造型中，二人齊露香肩，既性感又高貴，加上金光閃閃的金飾，造型令人目不暇給。Theresa束起頭髮，穿上白色Deep V露肩晚裝，戴上黃金頸鏈、手鏈和戒指，襯上她的雪白肌膚，更顯高貴華麗！
下身一樣要靚
Theresa能有白滑亮肌，原來她事前勤做手膜：「因為我最近好鍾意煮嘢食，雙手成日濕水洗嘢，變得粗糙，所以我朋友買咗好多手膜畀我。後來我知道要拍首飾廣告，事前狂敷手膜，都救得番（雙手）！」雖然造型相張張大特寫，但Theresa仍全副靚裝上陣，她笑言：「我套套衫都好高貴，雖只影大頭，影唔到下身，但我全程都要着番對高跟鞋拍攝，工作人員怕我辛苦叫我唔好着鞋，但我覺得上、下身唔夾，我入唔到戲！」
今次拍攝中，Theresa原來還有一個小秘密，為了全程投入工作，她可以全日禁食。如此高的忍耐力，令不少工作人員大讚她敬業。她說：「當日我係好想食炒公仔麵，但工作人員擔心太油膩，幫我改叫車仔麵。其實我做緊嘢，係可以唔食，所以我全日只係飲咗杯水。」
