郭富城守望相助放下心債
天王郭富城（城城）昨午到九龍塘，出席主演新片《麥路人》慈善場謝票活動。城城表示：「我5月做慈善演唱會都講過，慈善係冇限期嘅。今次電影畀到大家嘅訊息，就係守望相助、互助互愛，多啲關懷基層人士，逆境積極面對困難。大家可能同朋友、家人相處有時都會有啲心債，但去到某個位，應該學識放下。」
問到城城如今可有心債？他坦言：「依家我成家立室，去到人生另一個階段，已經學曉放下，冇嘞。」談到成名曲《對你愛不完》面世30年，他於社交網感性留言，他回應：「多謝大家沿途支持，我愛你哋，有你哋真好！」且透露正與團隊計劃明年舉行大規模演唱會。