馮盈盈與「男友」耍花槍被彈得個樣

馮盈盈、李克勤、周柏豪、連詩雅、賴慰玲、張振朗、黎諾懿及三位應屆港姐等，前晚出席無綫慈善節目《星光熠熠耀保良》，身兼司儀的盈盈，亦有孖住緋聞男友鄭衍峰獻舞技籌款。

更多時間陪家人

二人於表演前齊齊受訪，對於曾批評盈盈臀部不夠翹，鄭衍峰直認不諱：「一定啦，永遠都會有進步空間，會建議佢做啲動作，但唔知佢有冇做，應該都係堅懶！（覺得盈盈成個身形幾多分？）99分，港姐冠軍重點喺個樣度，但其他係零分囉！」而盈盈聞言表現無奈，但也認同鄭衍峰的評價，她說：「我都覺得係有進步空間，但佢嘅要求標準係專業Model，相信佢識嘅人都冇呢個Level，係好離地，所以我冇唔開心。不過作為教練我畀佢100分，信賴得佢，如果唔畀100分肯定佢，都會有啲懷疑自己啦！」

李克勤相隔兩年再度於無綫表演。	郭柏妍（左起）、謝嘉怡和陳楨怡一起亮相，當中以陳楨怡最為性感。	保良局主席何超鳳（左五）與一眾主禮嘉賓出席節目亮燈儀式。

已有超過兩年未有踏足無綫電視城的克勤，稱今年面對不少困難：「我由一月到依家冇做過任何有錢收嘅工作，收入上都係一個難關。」他指另一方面多了時間留港，有更長時間做唱片及陪家人：「囝囝話雖然疫情唔好，但令佢多咗時間見我，因為之前我每星期都返內地工作，聽到個心都酸一酸。（個仔咁大個先投訴你？）咁佢啲書簿費同奶粉錢又點嚟？」

陳楨怡挑戰底線

至於應屆港姐三甲謝嘉怡、陳楨怡及郭柏妍，以低胸晚裝亮相，其中以陳楨怡最為性感養眼，她一臉尷尬地說：「有少少唔慣，套衫係公司安排。唔可以再低（胸），已經係底線。」之前謝嘉怡被拍到離群獨處，她否認被孤立，還指與其他港姐不時相約外出。