CarmanOdilia參賽晒腿攞頭威

ViuTV節目《全民造星III》昨日舉行記者會，由鍾舒漫（Sherman）、阮小儀、梁祖堯、蔡瀚億及徐浩擔任評判，林二汶及彭秀慧擔任導師。今次節目大改革，不分性別，已入行的演藝人士都可參加。今輯共有83人參賽，其中50個參賽者出席記者會，包括E-kids的Alan（林詠倫）、Bingo成員Carman及Odilia、前As One成員陳葦璇（前名陳嘉茵）、顧定軒、葉巧琳、李昭南、龔柯允、丁悅等。
Bingo成員比賽中再聚頭，坦言不會讓賽。
Bingo成員比賽中再聚頭，坦言不會讓賽。

鍾舒漫做到冇咗團火

小儀受訪時笑言尷尬，因她曾在電台訪問過某些參賽者，不好意思鬧他們：「佢哋喺樂壇打滾多年，有啲會謝晒皮，或者公司未有機會畀佢哋，希望佢哋唔好睇小每個機會，喺節目上有機會show off。」Sherman坦言特別感觸，因昨日是她正式與英皇完約之日：「簽咗公司15年，有時都會做到冇咗團火。（之後會簽公司？）我open嘅，但都預有一段真空期，自己做住先。」

Carman、Odilia及Bingo前成員夏子涓大騷長腿，三女坦言上到台不會讓賽，覺得這樣是不尊重對方。陳葦璇則透露因為舊名有機會惹車禍，故老闆找來師傅為她改名。

小儀（左）與鍾舒漫擔任評判，小儀擔心鬧藝人會尷尬。
  • 小儀（左）與鍾舒漫擔任評判，小儀擔心鬧藝人會尷尬。
《全民造星III》新賽制，不論男女、已出道藝人都可參加。
  • 《全民造星III》新賽制，不論男女、已出道藝人都可參加。