賴慰玲霸氣博「連戲」
賴慰玲在無綫劇集《反黑路人甲》演社團大家姐，雖然劇集已曲終人散，但觀眾對其霸氣角色熱情仍未減退。賴慰玲日前出席公開活動時，坦言拍攝時沒多想角色是否受歡迎：「估唔到大家鍾意我同張振朗呢對，我哋一黑一白、一尊一卑，有對比會更吸引。（之後戲路會轉變？）呢個方向好多嘢可以試，將今次霸氣放上商業社會、職場又點？可以試多一、兩套。」
張振朗之前讚她是好戲之人，指雙方合作可互補不足，賴慰玲亦大讚對方喜劇觸覺敏銳，而她戲劇理論佳，所以撞在一起火花不斷：「拍時我哋都多爆肚，當然想再合作，唔只談情，想知兩個戲癡走埋一齊做正劇得唔得，一場戲拍10日！」