Demi怒撇Max 訂婚兩個月分手

28歲的Demi Lovato與29歲的Max今年3月開始拍拖，因同居隔離抗疫而感情大增，今年7月接受男友求婚，並在社交網公開在馬利布海灘甜蜜晒婚戒的照片，不過最近驚爆已分手，知情者透露：「呢個係艱難嘅決定，Demi同Max都決定專注事業，各行各路。佢哋尊重同愛護對方，會永遠珍惜大家相處嘅回憶。」

借人氣歌手上位？

不過有指兩人分手的真正原因，似乎是Max早前被爆曾在Selena Gomez、Miley Cyrus與Ariana Grande等女歌手的社交網留下溝女留言，更漁翁撒網，專向人氣高的出手，行為「狗公」！Max曾向Selena表示：「嫁畀我啦！」更讚她比Demi靚，亦曾留言叫Ariana做「老婆」，這些留言由多年前持續到訂婚前幾天。

Max其後刪除社交網帳戶，Demi一度維護未婚夫，指留言是改圖偽造：「好可悲，啲人要整假圖等女人互鬥。」不過Demi的友人都認為Max不可信，花弗玩玩吓之餘，更似是想借更紅的女星上位，最終Demi聽從勸告，忍痛斬情絲。

泳裝晒傷疤

另外，Max曾出招力溝的Selena上載穿一件頭泳衣的照片，露出接受腎臟移植手術後、留在大髀的疤痕，並留言發放正能量：「當初好唔想畀人見到個疤痕，唔想佢出現喺相入面，所以搵嘢遮住佢。但係依家我前所未有咁對自己同個人經歷有信心……我感到自豪！」她在手術期間因腎臟動脈意外爆裂，要緊急從大腿取出動脈取替，故大髀留有疤痕。