鍾晴苦練廚藝 男友讚好味

「美女學徒」之一鍾晴（Karlie）雖然曾坦言對烹飪完全零興趣，但疫情下反而培養出這方面的愛好，她說：「我依家經常會去超巿、街巿買材料，再上網研究點煮，整完會好開心同滿足！我煮嘅都係比較健康嘅食物，全家都好鍾意。（最拿手係咩菜式？）係滑蛋！時間上面要控制得好好，而且我會加埋芝士一齊煮，屋企人試過都讚好味。」問到緋聞男友、天堂鳥成員許俊豪有否試過其手勢？她坦言：「哈哈……都有嘅，佢都話好食。」Karlie又指因為食得健康，就算疫情期間減少戶外活動，依然沒有增磅：「因為冇出夜街，習慣咗早瞓早起，反而冇咗水腫！」