胡杏兒遇「小三」：傷心又傷身！
暫別香港電視圈一段時間的胡杏兒終於回歸公仔箱，夥拍藝人朱栢康在ViuTV新劇《熟女強人》中飾演一對「女主外，男主內」的夫妻，兩人關係看似風平浪靜，但背後危機四伏。
講到「女主外，男主內」這個議題，杏兒對此深有體會，她稱當年跟丈夫拍拖時就經常被媒體塑造成女尊男卑：「佢會唔開心，當年都係一個難關，咁難得搵到另一半，怕嚇走呢個人，你需要一個好堅強嘅伴侶，有個好強嘅信念。」而朱栢康亦曾有過一段經濟拮据的日子，但慶幸當年未結婚，亦沒有家庭負擔：「雖然屋企冇要求我畀錢，但都有種好冇用嘅感覺。」
朱栢康曾與對手撻着
劇中男主角因「小三」介入以致婚姻亮紅燈，問到感情路上有否試過出現第三者？杏兒坦言：「話冇就呃你，每一個人細個到依家都有啲經歷，不過呢啲經歷傷心又傷身，都係好細個嘅事，依家冇精力。」朱栢康自言年輕時血氣方剛，特別容易跟對手撻着或者有第三者，但人大了就不會重蹈覆轍，曾經歷離異的他亦強調離婚不涉第三者。