小谷為千嬅發聲 叫男人醒啲
楊千嬅在抗疫期間享受烹飪樂趣，親自策劃專屬頻道，節目名為「千言．慢煮」，第一集找來靚媽級的谷祖琳（小谷）做嘉賓，兩人分享湊仔心得。千嬅拒做怪獸家長，她笑說：「其實要贏在起跑線係有啲大鑊，有時令到家長會諗多咗！」小谷則認為身教才最重要，不能過分照顧子女。
在職媽媽既要工作又要照顧子女，千嬅承認有時會忽略老公，小谷笑言相信丁子高是想嗲老婆而已，她都有朋友的老公會詐型：「如果佢同我講就一定同佢開拖，我會好嬲，因為娶個老婆返嚟咁緊張你啲仔女，要跪喺度多謝佢啦，唔該啲老公醒啲，幫老婆分擔吓。」