近年不少藝人投身帶貨行列，莊思敏、孫慧雪及葉翠翠均表示選擇貨源時非常謹慎，以防假貨！莊思敏稱從未被顧客投訴，她會先試用所有產品：「我有賣食品，又會賣護膚品同鑽石，所以我好小心貨源，首先我會直接搵代理商同大廠入貨，全部都要有授權書，保證係真貨；用喺塊面同食落肚都要有證書證明係安全。」
孫慧雪表示會跟知名品牌合作：「當然要搵啲大、知名同信譽良好嘅品牌，我會睇晒佢哋嘅認證。有時開直播，個商家都會喺度，證明係貨真價實。我賣得畀人會好小心，會直接聯絡品牌嘅人，而唔係隔好多重，擔心唔係原裝。我亦會親自試過產品一段時間，確保冇問題，先介紹同推薦畀大家用。」葉翠翠亦稱所賣的產品，都由她與小朋友食過或試用一段時間，並指大部分產品使用至今。