張繼聰寧願傷肝 唔肯戒夜瞓
早前古巨基與馮盈盈現身「繽FUN Live」跟Fans隔空傾偈，反應熱烈，東網乘勝追擊推出第三彈，找來新一代笑匠張繼聰擔任嘉賓。開咪前先來熱身題，問他有何改不了的壞習慣？他笑言︰「夜晚唔願瞓，掛住睇戲、煲劇、睇書，但咁樣對個肝好傷，一到我哋呢個年紀就應該要開始注重身體，早睡早起。」
再問最近有何新習慣？阿聰抵死再答「夜瞓」，並試從另一角度解釋︰「喺隔離期間，比較多時間陪伴、照顧小朋友，所以要等佢哋瞓晒先有Me Time，暫時都希望保持呢個新習慣，自己都幾Enjoy，因為覺得好Free。」單是熱身題，他已使出幽默招數，睇怕直播當日必定笑料百出﹗想睇就記住今晚9點半，Mon實東網App「繽FUN Live」，有繽FUN主播俞詠文同張繼聰爆肚講笑！